အပြောင်းအလဲ အပြောင်းအလဲနှင့် လူအများကြားတွင်
ရေပန်းစားနေသော စကားလုံး။ ငါပြောင်းလဲ ရမယ် ပြောင်းလဲရမည်လို့ ပြောနေသော အပြောင်းအလဲ
ဆိုတဲ့စကားလုံး ဒီလိုနဲ့ နှစ်တွေ လတွေ အလီ လီပြောင်း ရက်ကိုလစား လကိုနှစ်စားနဲ့ ရက်တွအလီလီ
ပြောင်းလဲသွားသော်လည်း မပြောင်းလဲဘဲ ရှိနေ သည်က ကျွန်တော်တို့ကိုယ်တိုင်ပင်ဖြစ်သည်။
မိမိနေထိုင်ရ ပတ်ဝန်းကျင် လူမှုအသိုက်အဝိုင်းမှ လူတွေ သာ ပြောင်းလဲသွားသည် မပြောင်းလဲဘဲရှိနေသည့်က
မိမိကိုယ်တိုင် ဒီတော့စဉ်းစားစရာ ရှိတာ က ပြောင်း လဲသွားတဲ့ သူတွေက ဘယ်လိုပြောင်းလဲ သွားကြသနည်း
ပြောင်းလဲမှုတိုင်းကရော ဘယ်သို့ ဘယ်ပုံ ရှိသနည်း။
ပြောင်းလဲသွားသော လူမှုဝန်းကျင်၊ ပြောင်းလဲသွားသော
ဘဝများ၊ သူတို့ရဲ့ အခြေအနေအရပ်ရပ်က ဘယ်သို့ရှိမည်နည်း။ စဉ်းစားသုံးသပ်ဖို့လိုသည်။ ရှိမြဲအတိုင်း
ရှိနေသည့် မိမိကိုယ်တိုင်ကရော ဘယ်လို အခြေအနေဖြစ်နေသနည်း သုံးသပ်ဖို့လိုသည်။ ပြောင်းလဲမှုဆိုတာ
အကောင်းတစ်ခုတည်း ကို ရှေးရှုခြင်း မဟုတ်ကြောင်း အကျော်အမော် ပုဂ္ဂိုလ်များကပြောကြသည်။
ထိုင်နေအကောင်းထမှ ကျိုးမှန်သိဟု လည်း မြန်မာကဝိများက မိန့်ကြားခဲ့သည်။ သို့သော် ဒီစကားပုံတွေက
လက်တွေ့တွင် ပြောင်းပြန်ဖြစ် သွားကြသည်။ ကျိုးမှန်းသိလျက်နှင့် ထထိုင်လိုက် ရာမှာ တိုးတက်ကောင်းမွန် သွားသည့်
မိတ်ဆွေများ၊ မိမိအခက်အခဲများ အားနည်းချက်များကို ပြင်ဆင်ရင်ဖြင့် တိုးတက်ကောင်းမွန်သော
အနေအထားသို့
ရောက်ရှိသွားသော လူသားများ နိုင်ငံရေးအပြောင်းအလဲများ အကြား ဆုတ်ပျက်သတ်သွားသည့် ဘဝများ
နိုင်ငံရေး အပြောင်းအလဲကြောင့် ရွှေရောင်နေ့ရက်များကို ပိုင်ဆိုင်သွားသည့် သူများ၊ လူအုပ် စုနှစ်ခုအကြား
ပဋိပက္ခကြောင့် အိုးမဲ့အိမ်မဲ့ဖြစ်သွားသော ပြည်သူများ၊ မိခင်မဲ့သွားသော ကလေးငယ်များ။
စသည့်ဖြင့် သူတို့တတွေ ပြင်ပအပြောင်းအလဲများ အကြား၊ ဖြစ်ပေါ်ခံစား နေရခြင်းများက ကျွန်တော်တို့ အတွက်
မြောက်များစွာ သင်ခန်းစာယူစရာဖြစ်ပါသည်။ ကျွန်တော်တို့တစ်ဦး ချင်းစီရော အဆိုပါ အချင်း အရာများကို
နှစ်ဖူးပေါ်လက်တင်၍ သေသေချာချာ စဉ်းစားမိပါသလော၊ ဘယ်လောက်အထိ အဆိုပါ စဉ်း စားချက်တို့ကို
သင်ခန်းစာယူခဲ့ပါသလော။
သြော်……………လူငယ်လေးတစ်ဦး အနေဖြင့်
လူလောကရောက် လာတာ နှစ်နှစ်ဆယ်ကျော် ခဲ့ပြီ ဖြစ်လေ သည်။ မွေးကင်းစ ဥဝဲလေးဘဝမှ တစ်မိသားစုလုံးက
အလိုလိုက်ထားတဲ့ ကလေးငယ်ဘဝ၊ ဒီကနေ လကနေ နှစ်၊ နှစ်ကနေ ဆယ်စုနှစ်တိုင် ပုံစံအမျိုးမျိုး
ပြောင်းလဲလာခဲ့သည် မှာကြာလှပေပြီ။ ဤနှစ်ကာလ အတွင်း ကြုံတွေ့ခဲ့ရသည့် မျက်နှာငယ်မှု များ၊
သောကရောက်မှု များ၊ ပျော်ရွှင်မှုများ၊ အောင်မြင်မှုများ၊ စိန်ခေါ်မှုများ အခက်ခဲများ အကြား
ရုန်းကန်ရင်း ရုန်းကန်ဆဲ ဖြစ်နေရဆဲ။
မျှော်လင့်ချက် ရောင်ခြည်များ ဖြစ်ထွန်းသည့် ခံစားမှုများ
ကြုံတွေ့ရသလို အနာဂတ်ပျောက်ဆုံးနေ သယောင် လက်ရှိ ပစ္စုန်ပ္ပန်ကို အခြေခံပြီး အနာဂတ်ရော
ဘာဖြစ်မည်နည်းဟု တွေးပူနေရသည့် အခြေ အနေများ စသည်တို့ဖြင့် လောကခရီးလမ်းကို လျှောက်လှမ်းရ
ပေဦး မည်။
သို့သော် မရေရာမှုကို လူသားတိုင်းလူသားတိုင်း
ဖြတ်သန်းရပေဦးမည်။ ဤကိစ္စသည် အထူးအဆန်း မဟုတ် ကျွန်တော်တို့ရှေ့ခေါင်းဆောင်ကြီးများ၊
ဆရာသမားများ ဖြတ်သန်ခဲ့ရသည့် ဤခရီးလမ်း၊ ကျွန်တော်တို့ ဘိုးဘွား မိဘများ လျှောက်ခဲ့ရသည့်
ဒီခရီးလမ်း ဒီခရီးလမ်းကို မရေရာ မသေချာမှုနှင့် စမ်းတစ်ဝါးဝါး လျှောက်လှမ်း နေကြ ဆဲဖြစ်သည်။
အချို့လည်း မရေရာ မသေချာမှုများအကြား ယုံကြည်ချက် အပြည့်ဖြင့် စမ်းတဝါးဝါးလျှောက်ရင်း
ပန်းတိုင်နဲ့ တွေခဲ့ရသည်။ အချို့လည်း ယုံကြည်ချက်မဲ့က လမ်းလျှောက်ရင်း လမ်းပျောက်ခဲ့ရပြီ။
ဤလောကကြီး အတွင်း လူသားဘယ်လောက် များများက ဤခရီးလမ်းမှာ ရှင်သန် ကျန်ရစ်ခဲ့ ပါသနည်း။
လူသားဘယ် လောက် များ ခရီးလမ်တစ်ဝက်မှာ ကျဆုံးခဲ့သလဲ။ ဘယ်သူတွေက ဘယ်လောက်အထိ လမ်းတစ်ဝက်မှာ
တဒင်္ဂ ကြုံတွေ့နေရသော အောင်မြင်မှုများ အကြား ယဇ်မူရပ်တန့်နေကြသနည်း။
ယုံကြည်ချက်၊ မျှော်လင့်ချက်များကို
အရင်းတည်း၍ အားတင်း လျှောက်လှမ်းကြရမည့် လောကခရီးလမ်း ခရီး ကြမ်းတွင် ယုံကြည်မှု ဆိုသည့်လောင်စာကို
အပြည့်ဖြည့်ထားရပေလိမ့်မည်။ အ ယုံကြည်မှု ရေရှည်ခိုင်မြဲစေဖို့ အနာဂတ်ပန်းတိုင်နှင့်
နီးသထက်နီးလာဖို့ ဆိုပါက ရပ်တန့်နေ၍ မဖြစ် ကျွန်တော့် မိတ်ဆွေတစ်ဦး ပြောသကဲ့သို့ ဘရိတ်အုပ်လိုက်လို့မဖြစ်
လက်ရှိအနေအထားနှင့် တင်းတိမ်ရောင့်ရဲနေလို့မဖြစ်၊ လိုအပ်သည့် အရည်အချင်းများ
Capacity များ စွမ်းရည်များ လေ့လာ
သင်ယူမှုများကို ဆက်လက်သင်ယူ လေ့လာဖြည့်ဆည်းနေကြရဦးမည်သာ ဖြစ်ပါသည်။ ပြိုင်ဆိုင်မှု ပြင်း ထန်သော ဤလောကဝယ် လူသားကောင်းကျိုးသယ်ပိုး လိုသူပဲဖြစ်ဖြစ်၊
တစ်ကိုယ် ကောင်းဆန်သူ ပဲဖြစ်ဖြစ်၊ မည်သို့သော အရောင်အသွေး အခြေအနေမျိုးစုံ ရှိနေသော
လူသားအားလုံး ဆက်လက်ပြိုင်ဆိုင်
နေကြရဦး မည်သာဖြစ်သည်။ ဘယ်လိုပဲဖြစ်ဖြစ် လူသားတိုင်းလူသားတိုင်း
ရောက်ရာ အခြေ အနေ ပတ်ဝန်းကျင်ကနေ ပြင်ပသို့လည်း မျက်ခြည်မပြတ် မျှော်ကြည့်နေရဦးမည်သာ
ဖြစ်သည်။
မျှော်ကြည့်ခြင်းသည် အားငယ်ခိုင်းခြင်းမဟုတ်၊ သူတို့နည်းတူ မိမိတို့လည်း အမှီလိုက်နိုင်အောင်ကြိုးစား
ဖို့ဖြစ် သည်။ Walt Disney လည်း ဆယ်ကျော်သက် အရွယ်ကစပြီး ကြိုးစားခဲ့ရသည်။ Steve
Jobs လည်း ထိုနည်းလည်းကောင်း၊ Estine, Lenaro Darvinchi, သောမတ်အက်ဒီဆင်၊ ဗိုလ်ချုပ်အောင်ဆန်း၊
ဦးသန့်၊ နယ်လ်ဆင်မဲန်ဒဲလ်လား၊ အားလုံး ဆယ်ကျော်သက်အရွယ်လူငယ်လူလတ်ဘဝ ကတည်းကကြိုးစား
ခဲ့ကြသည် ချည်းဖြစ်သည်။ သူတို့သည် အပြောင်းအလဲများ အကြား အောင်မြင်မှုကို ဆွတ်ခူးရယူနိုင် ခဲ့သည်။
သူတို့ရဲ့ ကြံ့ကြံ့ခိုင်မှု၊ ယုံကြည်ချက် အပြည့် မျှော်လင့်ချက်အပြည့် ဇွဲ၊ လုံ့လ၊ ဝီရိယကို အရင်း တည်ကာ ကြိုးစား အားတုတ်မှုတို့က ကျွန်တော့်လို လူငယ်လေး တစ်ဦးအတွက်၊ လူငယ်ထုအားလုံး အတွက်၊
မိမိအတွက် ၊ မိမိ မိသားစုအတွက်၊ မိမိ ပတ်ဝန်း ကျင် အတွက် မိမိနိုင်ငံအတွက် စဉ်းစား ကာ
ကြိုးစားနေကြသော အနယ်နယ် အရပ်ရပ် နယ်ပယ် အဖုံဖုံ လူတန်းစား မျိုးစုံကြား လူငယ်များ အတွက်
အတုယူစရာ နည်းမှီစရာများ အားတက်စရာ များဖြစ်ပေ သည်။ သို့သော် အခြား တစ်ဖက်တွက် ကုဋေ ရှစ် ဆယ်
သူဋ္ဌေးသားလို လူငယ်တွေ တစ်ပုံတစ်ပင်ကြီး ရှိနေပြန်သည်။
လူသားကောင်းကျိုးအတွက် ဘာမှထည့်မတွေး၊
အများကောင်းကျိုး အတွက်ဘာမျှ မလုပ်၊ မိမိကိုယ် ကိုယ် ကောင်းဖို့ အတွက်ပင် မစဉ်းစားဘဲ
ပျော်ရွှင်မှုများ၊ တေလေမှုများဖြင့် လူသားများကလည်း တစ်ပုံ တစ်ပင် ရှိနေပြန်သည်။
တကယ်တမ်းပြောရလျှင် သတင်းအချက်အလက်ပေါင်းစုံ
ထွန်းကားနေသည့် မျက်မှောက်ခေတ်တွင် နယ် ပယ် ပေါင်းစုံ ကသင်ခန်းစာ ယူစရာ အတုယူစရာတွေ
တစ်ပုံတစ်ပင်ရှိနေရာ ကျွန်တော်တို့ မည်သို့သော ကျင့်ကြံမှုမျိုး ကိုလုပ်ဆောင်ကြပါမည်နည်း။
အပြောင်းအလဲ ရေလှိုင်းများ အကြားမည်သို့ လိုက်ပါမည်နည်း စဉ်းစားကြဖို့ တိုက်တွန်း တင်ပြအပ်ပါသည်။
