ပဋိပက္ခနှင့် အဆင့်အတန်း ခွဲခြားဆက်ဆံမှု (Conflict and Discrimination)

ပဋိပက္ခများ ဆက်လက်ပြန့်ပြန့်စေလိုပါက အဆင့်အတန်း ခွဲခြားမှုကို ဆက်လက်အားပေးပါ။ အဆင့် အတန်း ခွဲခြားခြင်းက သာပဋိပက္ခများကို ပိုမိုအားကောင်းစေသည်။ အဘယ့်ကြောင့်ဆိုသော် ပဋိပက္ခဆိုသော အရာသည် အစုအဖွဲ့များ အကြား အားပြိုင်မှုနှင့် သံသယတို့ ကြောင့် ဖြစ်ပေါ်လာစေတတ်သောအရာ ဖြစ်သော ကြောင့် ဖြစ်ပါသည်။ ကျွန်တော့်အနေဖြင့် ငြိမ်းချမ်းရေး ကို ဖျက်ဆီးပြီး စည်းလုံးညီညွတ်ရေးကို ပြိုကွဲစေတတ် သော ထိုသိုကောင်းကျိုးမပေးတတ်သော အဆင့်အ တန်း ခွဲခြားမှုကို ပြတ်ပြတ်သားသား မည်သူ့မျက်နှာမှ မ ထောက်ဘဲ ဆန့်ကျင်ကြရပေလိမ့်မည်။ ထိုသို့ အဆင့် အတန်း ခွဲခြားမှုကို ဆန့်ကျင်နိုင်မှ လက်မခံကြမှသာ တရားမျှတမှုများဤလူ့ဘောင်လောကတွင် အစဉ်ထွန်းကားနိုင်ပေလိမ့်မည်။

အဆင့်အတန်းခွဲခြားခြင်းသည့် အယုတ်ညံ့ဆုံးသော အနိုင်ကျင့်မှု ဖြစ်သည်။ လူမှုရေးအရ အဆင့် အတန်း ခွဲခြားမှု၊ နိုင်ငံရေး အရအဆင့်အတန်းခွဲခြားမှု၊ လူမှုရေး အရ အဆင့်အတန်း ခွဲခြားမှုများကို အသိရှိရှိ ဆန့်ကျင်နိုင်ဖို့ အထူးလိုအပ်လှပါသည်။ အဆင့်အတန်း ခွဲခြားမှုဟူသည် နိုင်ငံနှင့် လူ့အဖွဲ့အစည်း ထံသို့ ရုပ်ဖျက်ပြီး ဝင်ရောက်လာနိုင်သည်။ အဆင့်အတန်း ခွဲခြားမှုက မွေးထုတ်ပေးလိုက်သော အရာမှာ လူလူချင်း လူဟူ၍ ပင်မမြင်နိုင်သည့် မှားယွင်းသော အမြင်မှောက်မှားမှုနှင့် ပြည်တွင်းစစ်တို့ ပင်ဖြစ်သည်။ ထိုမွေးထုတ်ပေးလိုက်သော ပြည်တွင်းစစ် သန္ဓေသားသည် တစ်ဘို့တည်းသာ ကြည့် တတ်သော သွေး ဆာလောင်နေသော မြေတွင် အချိန်ကြာမြင့်စွာ ရှင်သန်ကြီးထွားနိုင်သည်။ အဆိုပါ သန္ဓေသားကို ဖယ်ရှား ပစ်ဖို့ အဆင့်အတန်းခွဲခြားမှုကို အဦးဆုံး ဖယ်ရှားရမည်။ ခွဲခြားမှုအတွက် ပြဋ္ဌာန်းထားသော ဥပဒေများကို ဖယ်ရှားရမည်ဖြစ်ပြီး တန်းတူညီမျှမှုရှိသော ဥပဒေများဖြင့် အစားထိုးရမည်။ လူမျိုးရေး ခွဲခြား မှုများ ကြောင့် ပြည်တွင်းစစ်နွံတွင်း နစ်နေသော နိုင်ငံများကို ပြန်ကြည့်လျှင် အဆင့်အတန်းခွဲခြားမှု၏ အမှောင်ဘက်အခြမ်းနှင့် အနိဋ္ဌာရုံများကို သင်ခန်းစာယူနိုင်ကြပါလိမ့်မည်။

ထို့အတွက်ကြောင့် ပြည်တွင်းစစ်နှင့် အဆင့်အတန် ခွဲခြားမှုတို့၏ အဆက်အစပ်ကို လူငယ်မျိုး ဆက် သစ်များ နားလည်အောင်ကြိုးစားအားထုတ်ကြရမည်ဖြစ်ပြီး အသိရှိရှိ သတိရှိရှိဖြင့် အဆင့်အတန်း ခွဲခြားမှုများကို လက်မခံကြဖို့ လိုအပ်ပါသည်။ သို့မှသာ တန်းတူညီမျှ ဖြူစင်တဲ့မြေဟူသော အနာ ဂတ် ပြည်ထောင် စု မြန်မာနိုင်ငံတော်သစ် (New Myanmar) ကို တည်ဆောက်နိုင်မည်ဖြစ်ပါကြောင်း အလေးအမြတ်ပြု  တင်ပြလိုက်ရပါသည်ခင်ဗျား။

သတိရှိဖို့လိုသည်

အမှန်တကယ်တော့ တိုင်းရင်းသားအခွင့်အရေး နိုင်ငံသားအခွင့်အရေး ဆိုပြီး ခွဲခြားပြောနေတာကို က လူလူချင်းရန်တိုက်ပေးနေခြင်းသာ ဖြစ်ပေသည်။ မြန်မာ နိုင်ငံမှာ
နှစ်ပေါင်း ၁၀၀ကျော် ၂၀၀ နီးပါး အချို့ဆိုရင် ပိုကြာတဲ့ နှစ်များစွာ ဘိုးဘေး အစဉ်အဆက် မြန်မာ ပြည်ကို သစ္စာရှိပြီး နေထိုင်လာကြတဲ့ ဖက်စပ်သွေးနှော ကပြား လူမျိုး တွေကို ဒီမိုကရေစီသို့ ကူးပြောင်းနေသည့် ကာလရောက်ခါမှ နိုင်ငံရေး အခွင့်အရေး မင်းတို့ မရသင့်ဘူး ဆိုပြီး ခွဲခြားနေတဲ့ အပြုအမူ အပြောအဆို တွေက တရားမျှတမှုရော့ ရှိပါရဲ့လား ခင်ဗျား။ အမှန်တကယ်တော့ အခွင့်အရေး ဆိုတဲ့ စကားလုံးအောက်မှာ ပြည်သူအချင်း ချင်း သွေးကွဲအောင်လုပ်ဆောင်နေကြတဲ့ အမျိုးသားရေး ဝါဒီများ မျက်ကန်း အမျိုးစောင့် ဝါဒီများ၊ မဟာလူမျိုးကြီးဝါဒီများ သင်တို့ရဲ့ လုပ်ရပ်တွေဟာ တရားမျှတမှုရှိကြပါရဲ့လား။ စဉ်းစားကြပါ လော့။ နိုင်ငံသားမှန်ရင် လူမျိုးခြာ ဘာသာခြားတွေလည်း နိုင်ငံရေး လုပ်ခွင့်ရှိ ရမည်။ အုပ်ချုပ်ရေး ယန္တရားမှာ အဆင့်မြင် ရာထူးတွေကို အရည်အချင်းရှိရင် ထမ်းဆောင် ခွင့်ရှိရမည်။ နိုင်ငံတစ်နိုင်ငံ၏ သမ္မတရာထူးအထိ ရွေးကောက်ပွဲဝင်ပိုင်ခွင့် ထမ်းဆောင်ပိုင်ခွင့် ရှိရပါမည်။

တရားဥပဒေစိုးမိုးရေး

တရားဥပဒေ စိုးမိုးရေးဟူသည် ဥပဒေမဲ့မှု မင်းမဲ့စရိုက်ထွန်းကားမှုကို မဖြစ်စေရန် ဟန့်တားပေးထားသည်။ တရားဥပဒေစိုးမိုးရေးသည် စာအုပ်ထဲတွင်ထားရှိရမည့် အရာမဟုတ် လူ့အသိုက်အဝိုင်းအတွင်း လက်တွေ့ကျင့် သုံးနိုင်ဖို့လိုသည်။ နိုင်ငံတစ်ဝှမ်း တရားဥပဒေ စိုးမိုးမှုရှိဖို့ဆိုပါက ဥပဒေကိုယ်တိုင်က တရားမျှတရမည်။ ဥပဒေကို ကိုင်၍ မှုခင်း ဖြစ်ရပ်များကို ဖြေရှင်းပေးမည့် တရားရေးနှင့် ရဲဝန်ထမ်းများကလည်း သမာသမတ်ရှိရမည်။ ပြည်သူလူထု ကိုယ်တိုင်ကလည်း တရားဥပဒေ၏ အဆုံးအဖြတ်ကို လေးစားလိုက်နာမှု ရှိရမည်။ ထိုသို့ သုံးဦးသုံးဖလှယ် ညီညွတ်မှသာ တရားဥပဒေစိုးမိုးရေးကို တည်ဆောက်နိုင်မည်ဟု ကျွန်တော်ယုံကြည်သည်။

Identity ကိုတည်ဆောက်မှာလား Unity ကိုတည်ဆောက်မှာလား။

=====================================
ကျွန်တော်တို့ နိုင်ငံတွင် (Identity {အမှတ်သရုပ် လက္ခဏာ} တည်ဆောက်လိုခြင်း ဟူသည့် စေတနာအမှားကြောင့် Unity {စည်းလုံးညီညွတ်ခြင်း} မပျက်ပြားစေသင့်ပါ။
---------------------------------------------------------------------------------------------
Identity ဟူသောဝေါဟာရကို ကျွန်တော်တို့ အမှတ်သရုပ်ဟု ဘာသာပြန်ကြသည်။ လူတစ်ဦး ချင်းစီတွင် အမှတ်သရုပ်ရှိသကဲ့သို့ လူမျိုးတစ်မျိုး၊ တွင်လည်း အမှတ်သရုပ်ရှိရသည်။ ထိုနည်းတူ နိုင်ငံတစ်နိုင်ငံတွင်လည်း အမှတ်သရုပ်ရှိသည်။ အမှတ်သရုပ်ကို တည်ဆောက်ရာ တွင် နိုင်ငံတစ်နိုင်ငံ၏ ရေခံမြေခံ သမိုင်းကြောင်း နောက်ခံကို အခြေခံပြီး လုပ်ဆောင်ကြရသည်။ လူမျိုးတစ်မျိုး ဘာသာစကားတစ်မျိုးတည်ရှိသော နိုင်ငံတွင် Identity တည်ဆောက်ရ လွယ်ကူသည်။ သို့ရာတွင် မြန်မာနိုင်ငံကဲ့သို့သော လူမျိုးပေါင်းစုံ ဘာသာစကားပေါင်းစုံ ကိုးကွယ်သည့် အယူအဆပေါင်းစုံး ပေါင်းစု တည်ရှိသည့် နိုင်ငံတွင်မူ Identity တစ်မျိုးတည်ကို တည်ဆောက်ခြင်းငှာမဖြစ်နိုင်သကဲံသို့ လူမျိုးကြီး တစ်ခုတည်း၏ အယူအဆအောက်သို့ သွတ်သွင်းခြင်းငှာ မဖြစ်နိုင်ပါ။ နိုင်ငံအတွင်းမှီတင်းနေထိုင်ကြသော မတူညီသော ပြည်သူအားလုံး ၏ အမှတ်သရုပ် လက္ခဏာများကို အသိအမှတ်ပြုဖို့လိုသည်။ ထိုသို့မဟုတ်ဘဲ ဘာသာရေးကို အကြောင်းပြု၍သော်လည်းကောင်း လူမျိုးရေးကို အကြောင်းပြု၍သော်လည်းကောင်း အခြားသော ကိုယ်ကျိုးစီးပွား သံသယများကို အကြောင်းပြု၍သော်လည်းကောင်း မည်သည့်လူမျိုးဖြစ်၍ မည်သည့် ဘာသာဝင်ဖြစ်၍ ဟူသော အကြောင်းပြချက်ပေါင်းစုံဖြင့် ခွဲခြားဆက်ဆံခြင်းမျိုး၊ ခွဲခြားဆက်ဆံခြင်း မပြုသော်လည်း အခြားသူတို့၏ ရပ်တည်ချက်များကို ထိပါးပြောဆိုခြင်း တို့ဖြင့် လုပ်ဆောင်နေခြင်းသည် မိမိတို့၏ အမှတ်သရုပ်လက္ခဏာကိုတည်ဆောက်ခြင်းဟု သတ်မှတ်၍ မရပဲ စည်းလုံးမှု ပျက်ပြားအောင်လုပ်ဆောင်နေခြင်းသာ ဖြစ်ပါကြောင်း သတိပြုဆင်ခြင်နိုင်ရန် တင်ပြအပ်ပါသည်။