မိမိကိုယ်ကို တည်ဆောက်ခြင်းနှင့် နိုင်ငံသားတို့အတွက် ပြင်ဆင်သင့်သည်များ အနာဂတ်------- နိုင်မော်

(ဤဆောင်းပါးကို https://www.facebook.com/pages/Citizen-Journalist/596250010394813 တွင်းလည်းဝင်ရောက်ဖတ်ရှုနိုင်ပါတယ် ခင်ဗျာ)
-----------------------------------------------------------------------------------------------------------------
" မိမိကိုယ်ကိုကောင်းအောင်ကြိုးစားမည်
မိမိကျောင်းကို ကောင်းအောင်ကြိုးစားမည်
မိမိတိုင်းပြည်အတွက်ကောင်းအောင်ကြိုးစားမည်………………….. "
ဤသည်ကား ခေတ်ကာလတစ်ခုက ကြွေးကြော်သံအဖြစ်ရှိခဲ့ပါသည်။ အဆိုပါ ကြွေးကြော်သံသည် အမှန်ပင်ဖြစ်ပါသည်။ အဆိုပါ စကားကို ဆင်ခြင်ကြည့်ပါက နိုင်ငံတစ်နိုင်ငံကို ဦးဆောင်မည့်သူဖြစ်ဖြစ် လူ့အဖွဲ့အစည်းတစ်ခုကို ကယ်တင်မည့် သူပဲဖြစ်ဖြစ် ထိုသူသည် တကယ်တမ်း ကူညီချင်ပါက ရှေးဦးစွာ ထိုသို့ ကူညီနိုင်စွမ်းရှိအောင် မိမိက အဆင်သင့်ပြင်ထားဖို့လိုသည်။ ကမ္ဘာပေါ်တွင် ခေါင်းဆောင်တိုင်းသည် မိမိတိုင်းပြည် မိမိလူမျိုးကောင်စားရေးအတွက် မိမိကိုယ်တိုင် စွန့်လွှတ်အနစ်နာခံ ဆောင်ရွက်ခဲ့ကြသည်။ နိုင်ငံခေါင်းဆောင်ကြီး ဗိုလ်ချုပ်အောင်ဆန်းသည် မြန်မာနိုင်ငံ လွတ်လပ်ရေးအတွက် ဂျပန်နိုင်ငံသို့ သွားရောက်ပြီး စစ်ပညာသင်ယူခဲ့သလို နိုင်ငံခြားသားများနှင့် တန်းတူရင်ဘောင်တန်း ပြောဆိုနိုင်အောင် လည်းကြိုးစားခဲ့ရပါသည်။
အောင်ဆန်းစုကြည်သည် မိမိနှင့် မိသားစုတို့ကို စွန့်လွှတ်ကာ ဒီမိုကရေစီအတွက် လူထုရှေ့မှ ရပ်တည်ပေး ခဲ့သည်။
သူတို့၏ ဆောင်ရွက်ချက်များကြောင့် ကမ္ဘာက အသိအမှတ်ပြုကြပြီး အားလုံးက ကြိုဆိုလေးစား လျက်ရှိကြသည်။ တောင်အာဖရိက ခေါင်းဆောင်ကြီး နယ်ဆင်မဲန်ဒဲလား၊ အိန္ဒိယ ခေါင်းဆောင်ကြီး မဟတ္တမ ဂန္ဒီ ၊ အမေရိကန် သမ္မတကြီး အေဘရာ ဟန်လင်ကွန်း တို့သည်လည်း မိမိတို့ ၏နိုင်ငံနှင့် လူမျိုး အကျိုးအတွက် မဆောင်ရွက်မီ မိမိနိုင်ငံနှင့် လူမျိုးအကျိုးကို ဆောင်ရွက်နိုင်အောင် ရှေးဦးစွာ ဖြည့်ဆည်းဆောင်ရွက်ခဲ့ကြသည် ချည်းဖြစ်သည်။
ကျွန်တော်တို့ လူငယ်များသည်လည်း မိမိနိုင်ငံနှင့် လူမျိုး အကျိုးကို စွမ်းစွမ်းတမံ ဆောင်ရွက် လိုပါ က ယခု အချိန်တွင် အခြားသူများ ယောင်တိုင်း ရောယောင်ပြီး တောင်စဉ်ရေမရ လုပ်ဆောင်မနေပဲ မိမိ ဆောင်ရွက်လိုသည့် လုပ်ငန်းနယ်ပယ် တစ်ခုကို ရွေးချယ်ပြီး ရည်မှန်းချက်တစ်ခု ထားရှိကာ ကြိုတင်ပြင် ဆင် ဆောင်ရွက်သင့်ပါသည်။ မိမိလုပ်ဆောင်လိုသည့် လမ်းကြောင်းအတိုင်း တစ်စိုက်မတ်မတ် ဆောင်ရွက်နိုင်ပါက မည်သူမဆို တစ်နေ့နေ့တစ်ချိန်ချိန်တွင် မိမိသွားချင်သည့် ပန်းတိုင်ကို ရောက်ရှိမည်သာ ဖြစ်သည်။ တိုင်းပြည်နှင့် လူမျိုးအကျိးအတွက် မိမိခံစားခွင့်များကိုစွန့်လွှတ်ကာ နေ့မအား ညမနား လုပ်ဆောင်နေသူများ အားလုံးကို အခြားသူများကလည်း ကူညီကြစမြဲဖြစ်ပါသည်။ နှုတ်ပြောသာ ရှိပြီ လက်တွေ့လုပ်ဆောင်မှု မရှိသူကို မည်သူကမျှ ကူညီနိုင်ကြလိမ့်မည်မဟုတ်ပါ။ နိုင်ငံတစ်နိုင်ငံကို တည်ဆောက် မွမ်းမံရာတွင်ပဲ ဖြစ်ဖြစ် မိမိလူမျိုးကို ဒုက္ခတွင်းထဲမှ ကယ်တင်ချင်သူပဲဖြစ်ဖြစ်ထိုသို့ ကယ်တင် နိုင်စွမ်းရှိအောင် လိုအပ်သော စွမ်းအားများကို ဖြည့်စွမ်းထားသင့်ပေသည်။ ထိုသို့သော စိတ်ဓာတ် ကိုယ်ခံအားဖြင့် ကြိုးစားဆောင်ရွက် ဆောင်ရွက်သော လူသားများကြောင့်သာ ကျွန်တော်တို့ လူသားများသည် လက်ရှိတွင် အဆင့် အတန်းမြင့်သော လူသားမျိုးဆက်တစ်ခုအဖြစ် ရပ်တည်နိုင်ခြင်းဖြစ် သည်။ ကျွန်တော်တို့ ရှေ့ကဘိုးဘွားများကြောင့်သာ ကျွန်တော်တို့လို မျိုးဆက်သစ်များ အဆင့်တစ်ခုအဖြစ် ရပ်တည်နိုင်ခြင်းဖြစ်သည်။ ဒီလိုပါပဲ ကျွန်တော်တို့က ရှေ့ဆက်ပြီး မကြိုးစားလျှင် နောင်လာနောက်သားများ အဘယ်နည်းဖြင့် ကျွန်တော်တို့ထက်မြင့်သော အဆင့်သို့ရောက်နိုင်ပါမည်နည်း စဉ်းစားကြည့်ကြဖို့ လိုအပ်ပါသည်။
ကျွန်တော်တို့၏ အနာဂတ်သည် ကျွန်တော်တို့လက်တွင်း တွင်သာရှိပါသည်။ ကိုယ်လက်ဝယ် ပိုင်ဆိုင်ထားသော ပစ္စုပ္ပန် အချိန်လေးကို အကျိုးရှိအောင် မလုပ်ဆောင်သွားပါက ကျွန်တော်တို့ အနာဂတ်သည် ကျွန်တော်တို့ မလိုချင်သော အရာများဖြင့် စိတ်ဆင်းရဲစွာ နေထိုင်သွားနိုင်စရာ အကြောင်း ရှိပါသည်။ ကျွန်တော်တို့ မလိုချင်သော အရာများမရဘဲ ကျွန်တော်တို့လိုချင်သော အရာများကိုသာ ရရှိဖို့ဆို ပါက ကျွန်ုပ်တို့ကိုယ်တိုင် ကောင်းသောအလုပ်များကိုလုပ်ခြင်းဖြင့် ကျွန်တော်တို့လိုချင်သော အရာများရအောင် စနစ်တကျဖော်ဆောင်သွားကြရမည်သာ ဖြစ်ပါသည်။ ကျွန်တော်တို့က ငြိမ်းချမ်းချစ်ကြည်မှုများဖြင့် ထုံးမွမ်းအပ်သော လူ့အဖွဲ့အစည်းကို တည်ဆောက်မည်ဆိုပါက ကျွန်တော်တို့က ချစ်ကြည်ကြောင့် ကျင့်စဉ်များဖြင့် ကျင့်သုံးဆောင်ရွက်ရမည်ဖြစ်ပါသည်။ ငြိမ်းချမ်းရေးကို လိုချင်သောလည်း အချင်းချင်း တိုက်ခိုက်ဖျက်ဆီးမှုကို မစွန့်လွှတ်နိုင်သေးပါက မည်သည့်နည်းနှင့်မှ ကျွန်တော်တို့ လိုချင်လှပါသည်ဆိုသည် ချစ်ကြည်ရေး ငြိမ်းချမ်းရေးတို့သည် ရနိုင်ပါမည်လော စဉ်းစားကြည့်ကြဖို့ အထူးလိုအပ်ပါသည်။ ထို့ကြောင့် ကျွန်တော်တို့နိုင်ငံအတွက် ကျွန်တော်တို့ အပေါ်တွင်သာတာဝန်ရှိနေပါသည်။ ကျွန်တော်တို့ မျက်မှောက်အချိန်တွင် လုပ်ဆောင်နေသော ကိစ္စရပ် အဝဝတို့သည် ကျွန်တော်တို့ပေါ်တွင်သာ လုံးဝတာဝန်ရှိနေပြီး ယခုပြုသမျှ၏ အကျိုးဆက်ကို နောင်အနာဂတ်ကို သက်ရောက်မှု ရှိနိုင်သည်ဖြစ်သောကြောင့် အနာဂတ်ကောင်းစေရန် မိမိလုပ်ဆောင်ပြုမူ ပြောဆိုသမျှကို ရှေ့နောက်ဆင်ခြင် တွေးတောကာ အနာဂတ်လှအောင် လုပ်ဆောင်ကြပါဟု တိုက်တွန်း လိုက်ရပါသည် ခင်ဗျား။